學歷高職位低

今早一起床在 Facebook 就見朋友分享了以下一篇新聞：



高學歷低社會經驗或使青少年易想不開而輕生。

過去3年本港整體自殺率下跌8個百分點，但同期15至24歲年輕人自殺率卻大升近19個百分點，2012年平均每星期就有一至兩名青少年自殺；學者認為現今青少年多接受高等教育，但卻要當基層工作，放不下身段.............................

http://www.hket.com/eti/article/679bfa6e-da05-4aa9-9f31-1d5ed98167db-219395?ref=facebook

朋友說：

其實好多大學生已經放下身段搵d根本唔適合自己既工，為既都只不過係儲到錢買層樓，安居樂業。但d學者永遠都唔會諗份人工合唔合理，同現實係咪脫左節，但就不斷叫人放下身段。如果係咁其實無乜必要推最低工資，既然學歷高既工都係得低人工，純勞力既工又點逗份好d既人工？再者，做得老板唔代表佢能力真係高，多數都只係你生得早，果陣多機會可以由低做起。宜家最大既問題係當d人付出左腦力同勞力，最後得唔到應得既回報，你叫人點唔壓力大，點唔死？

之後，我就留言了： 

會唔會係香港本來就唔需要咁多高學歷的人，只不過供應多了，那大學生自然無咁吃香，多出來的就要做"唔適合自己的工"。其實又無話放唔放低身段，大學畢業就以為自己係天之驕子，自視過人，那唔洗講一定死。唔通諗住一出身就做經理? 凡事梗係要由低做起，正所謂是能屈能伸。面子也不值錢，放下身段又有咩所謂。多少人可以找到一份自己喜歡又合適的工，老一輩都唔係個個做到老闆，有大部份都係咁捱。至於話高學歷揾唔到高人工，勞力既就都搵唔到，咁又未必。正如現在的建築工人分分鐘搵得多過醫生。

你睇老闆好，老闆睇你好。老一代經過的都唔少，香港暴動，八十年代前途回題，貪污等等，對比起來我們現在的問題真係芝麻小事，佢地睇呢一代幸褔又和平。佢地有能力做到老闆，自有他們的能耐，也沒有人說做老闆要能力高，劉備一樣係能力值平庸，武力唔夠關羽，智力唔夠諸葛，但佢一樣做到老闆。老實說，一個老闆如果下下要請個能力比佢低既人，咁又點解要請人呢?! 況且現在機會處處，比上一代，我們這一代資訊發達，可以利用整個網絡世界，接觸更多的機會，香港又得天獨厚可以隨時走入內地十三億的市場，機會根本是通街都係。 之不過，好似港機工程現在不知幾咁需要請飛機維條員，但有幾多後生仔嫌遠，嫌做學師，嫌是戶外工作，而唔去做。抱著咁既心態，咁機會幾多都係死。

其實我在留言時，一直都想以李生來做例子。李生現在貴為香港首富，地產霸權，不少香港人痛恨的代表。但他的成功絕對是和他的努力不無關係，說到放下身段，他當年一樣要在茶樓裡做卙茶遞水。論勤力，當年做廠的時候，每日做十六七個鐘，每日早早起床，這份耐力已經亦勝過當今不少後生仔。論面對逆境，當年他初來香港，老父染病去世，只剩他一個，身無分文，他也是這樣捱過去了，相信香港這些後生仔未有去到這麼差的地步吧。不過最後知道朋友不太喜歡李生所以就沒有說出來了，無謂令到朋友反感。

不過我以上所說，有可能也只是講就天下無敵，做就有心無力。到我畢業的時候，遇到他們所說的困難時，我的看法又有可能轉變了。風物長宜放眼量，每當我在空空其談的時候，老媽子總會說出這句。所以留此文章，且看將來會是怎樣。將來回頭看這篇時，定有一番滋味，是會覺得在大放厥詞，還是有同樣的看法，這想想已經覺得有趣。

只是正如很久前的一篇文所說 要自殺也輪不到你！自殺始終是不應該的，因為在香港就算再差，也差不過那些人。人家再苦也是好好地為生存而奮鬥，我們實在不應為這些小事而輕生。

大家一起加油！！