認一次叻 領展買雞肋

 最近領展供股，滿城風雨。

今次認叻一次先，舊文重溫，2020 已經係買舊雞肋返來，有先兆。

https://creating-cashflow.blogspot.com/2020/07/cabot-0.html?m=1&fbclid=IwAR0gSAhZypZiGmXB-TQrUuCn9EzYV8ULwX6znhl777eERzesY48h7RVetkw

澳洲，大陸，新加玻新玩具的質素唔敢評價。

但英國件貨唔算標青，依家最新借貸成本已經高過呢個物業的回報。只能係用來作高大上，同埋俾管理層來下英國報銷洗費。如果其他地方的新玩具都係咁，都幾擔心。

Agency problem 買股一定會有呢個問題。

單呢點來講，你會揀日日係 Twitter 的 Elon 定係神龍見首不見尾的 Kingdom Dragon 呢?？

最近見多左 AA 宣傳買英國商業地產，亦多左仲係香港，或者已經來左英國的朋友查詢英國商業地產，再次提醒各位，英國商業地產有樣野叫 Business rate，係市場租值的 50% 交俾當地政府的稅 ，有租客還好，租客交。但間鋪一空置，就係業主硬食。空置成本很高，英國鋪亦不如香港的值錢 (除非係地點特靚，但隔山買牛，不是地頭蟲的話，你又唔知邊度靚） ，所以真係要小心，小心，小心。

特別係標榜 10% 租金回報，山旮旯果啲，賣又賣唔出，租又租唔出，仲要幫政府打工，咁先最慘。