2018年回顧

趁仲有幾個鐘到2019，做一個簡單的2018 年回顧。

2018 年好好彩買多左層樓，非常滿意新的樓。在油城樓市低迷下，唔洗同人爭，又可以低價買到心頭好，租得好，唔洗擔心會租唔出的位置，實在是開心。不過，對比之下，之前買的單位就顯得無咁好，更顯得出當時買入有些少魯莽，沒有仔細及謹慎地去想清楚。今年在學生宿舍供應增加，同租務市場繼續低迷下，其他樓的租金收入都有所下降，興幸就是全部都租得出，至少唔洗蝕。

最後悔今年有個在愛丁堡很好的單位，可惜買不成，不然就可以進軍愛丁堡了。愛丁堡是我很喜歡的城市。終有一日會在當地買樓！而且更大更活躍的市場才更安全。

今年我依然係選擇繼續努力去儲子彈。油城這幾年的低迷及由高峰到谷底的經歷，讓我學到了謹慎及小心。上次海嘯後數數手指都已經十年時間，我唔太相信經濟可以一路高歌，特別是上次之所以解決得到，其實都係靠低息率，令到借貸成本降低，用更多的債務去解決問題。我相信有起有落，下一波浪始終會來，只是不知幾時來到。儲定子彈去迎接下一浪，一定會比現在入場好。

工作學習上，今年確實係懶左，寫 blog 寫少左，又沒有花太多時間應付讀書考試，係因為係公營機構打工，學習了官僚主義，以及樣樣事情慢慢來做的心態?! 公營機構工作實在不是長久之計。

生活上，這一年多下定決心去學小提琴，終於考到二級小提琴。雖然二級不算甚麼，一般小朋友一下子就考上了。但對於要返工，中途出家的我來說，都確實是花了不少時間及心機。我還是很滿意這一項成就。我的目標是每年一級，希望三十五歲前考到八級。

２０１８年眨眨眼又過，短短一篇回顧，順便跟大家說聲新年快樂。