2020年6月29日星期一

科技股的價值投資

早前在投資理財 Group ,有朋友問到我怎看價值投資。

在科網股越升越有,舊經濟股估值越來越低的情況下,價值投資的一套是否已經不再適用 ?!

我的觀點是價值投資始終是投資的王道,這一點不可置疑。

問題是如何判斷價值,這才是最難最難最難 (重要的說三遍)。

要成功地去價值投資,以股票來說,前提是需要非常熟悉一間公司及管理層的水平。以往的價值投資,對於舊經濟公司的運作,你可以行街,實地去看,去感受,用年報的數字來去做分析。價值比較容易用實際的數字去分析出來。以可口可樂為例,護城河且深又廣,市場變化不大,你可以大概計到今年賣幾多可樂,賺幾多錢,合理的增長是多少,每年的股東回報又有多少。

新經濟公司,它們一樣有價值,它們一樣有護城河,一樣有數字可以去計算。只是當去到估值 / 價值,每個人的看法都不同,太多對於未來世界改變的看法。不是每個人都能夠計算得到,可以太科幻,可以太天馬行空。

以 Tesla 數年前為例,剛開始提出及投資 Giga Factory 。有相當一大部份人都覺得這計劃太大想頭,完全是 Elon Musk 狂人的計劃。沒有多少人清楚知道 Giga Factory 的價值。要知道 Giga Factory 的電池產量,一間廠相當於當時全球產量的一大部份。當年那些低估 Tesla 的人,哪會想到今時今日 Giga Factory 都已經不足以應付當今的需求。VW 及各大車廠要跟風趕住起,而 Tesla 都已經有風聲談及興建 Tera factory !

Amazon / Tesla / Google 這些公司,它們背後在做什麼,投資什麼,有什麼黑科技在研發中,下一步的計劃如何。莫講話專業投資者,我相信入面的管理層都未必完全知道。每個投資者其實都在盲人摸象。根本無可能計到盤數出來,再去計算出當中的價值。 哪個知道當中的計劃會成為又一隻獨角獸。

猶記得,我中學商科老師是價值投資者信徒,投資每每以數字行先。(結果我俾佢老點左十幾年) 讀中學時,Amazon 剛剛崛起,中學老師就說 Amazon 幾差幾差,無發達,無錢賺,過百倍的 PE 估值太貴,業務要不停高速增長才能撐起估值。投資企業一定要找 good balance sheet,估值不能不高,要合理。

十數年後的結果如何,你同我都知.....

新經濟股之所以值錢,我認為是世界的投資務式已經變了。錢在這個世界越來越多,而且完全不含價值 (印出來而已),但真正推動到世界改變的夢想極為缺少。在簡單供求原則下,錢就越來越多,Idea 越來越少,有故事的自然會水漲船高。當大家都愛聽故事,對未來有夢想,夢想一樣有價值。誰可以造出一個聽起上來合理的夢,大家就會去追,未來賺唔賺到錢根本 no one cares 。

What are crazy world we are living in  ..... sad but true ....

-----------------------------------------------------------------------

關於理財投資買英國地產的問題,可以直接 email 我 rkwc1993@yahoo.com.hk 與我聯絡。

我跟朋友在英國成立了一間物業管理公司,專門向海外投資者提供英國的物業管理服務,包括倫敦 Zone 2 以內,曼徹斯特,利茲及利物浦。如果有興趣知道我們的服務及收費,都歡迎你來郵查詢。

-----------------------------------------------------------------------

如果覺得我的分享是不錯的話,。歡迎你加入我的 Patreon ,加入英國地產投資者 / 股票投資理財 Group,已經分享價值超過 £1,000 的有用資訊!!!!

大家一起討論英國物業投資 / 股票理財,實行有錢齊齊搵,集思廣益。

https://www.patreon.com/rickster90

你亦都可以當係每個月請我飲杯咖啡,支持一下,增加我寫作分享的動力,無限的感激。 

-----------------------------------------------------------------------

一對一投資英國房地產投資 / 咨詢環節,令你了解到英國物業市場要專意的地方,基本投資需知,要避開的地方。最重要令你可以在香港也能夠投資到英國房地產。每節一小時 $1000 ,有興趣請以 paypal 轉帳,再電郵或 whatsapp 安排時間上課。


-----------------------------------------------------------------------


18 則留言:

  1. 老巴果個時代,世界經濟在戰後一齊起飛緊,當時的單一大品牌仲可以飛出美國向全世界發展。而家的話你問Tesla 總共有幾多資產,品牌值幾錢我諗Elon Mask 都答唔到你,咁已經好難再用買入「價格比價值低的公司」呢套了。

    因為香港大把PB 低過1 的價投陷阱,好似永遠都唔會價值回歸咁。我寧願信凱恩斯講的「投資就像選美,你不是下注自己覺得最漂亮那個,而是下注其他人會選的那個」(大意啦),一方面買啲自己估未來會發展得好的公司,另一方面買啲第日基金經理們焗買的公司。投資谷愛股TSLA 就合晒呢兩個標準了。

    回覆刪除
    回覆
    1. 我認為香港那些 "價值股" 表面上看是有價值,但實際上市場先生長期都低估,已經話左俾人聽,內裡有些風險,不能只看帳面上的數字,比如國企的管治,及背負的國家任務。市場唔會死錯人。

      刪除
  2. 如何分辨真正可成就的偉大夢想與只是有咁大吹咁大嘅騙人公司就變得很重要了!

    回覆刪除
    回覆
    1. 好似 SPCE 同 Nikola 咁就明顯唔好掂

      刪除
  3. 大大說的亦是,小的竟無言以對。只可以講你同馬克思一樣,指出左問題所在,但無提供到解決辦法(點樣去估算科技公司)。

    點樣先可以避免Amazon / Tesla / Google 唔係下一個Yahoo?

    回覆刪除
    回覆
    1. 只可以定時不停去檢視手中的公司,不停問自己這間公司是否無何取代。確實沒有鐵一般的辦法,只有變幻才是永恒,投資者就是要不停去改變。

      刪除
  4. 補充返,not offense,我真心覺得你講得好,但我真係唔知點樣可以避免科技股變成Yahoo,甚或者係電訊盈科。

    回覆刪除
  5. 只睇財務數據既人係對價值投資一知半解 價投都係離唔開睇業務前景 財務數據只反映過去 可以幫助投資者了解企業營運 有一定參考價值 但只睇財務數據而忽略業務前景就係本沒倒置

    我一開始分析科技股時 經常比一班自以為高人一等既巴菲特信徒攻擊 話我唔係價值投資 係佢地既世界唔跟足巴菲特果估值方法就唔係價值投資 呢班人連價值投資既原則同方法都分唔清 到今日都仲有唔少人都係咁樣固步自封 即使佢地睇住自己錯過microsoft, apple, facebook, amazon, netflix, google, tesla..... 都唔會反思下問題出係邊度 甚至覺得係市場偏離正軌

    價值投資既原則永不過時 但選股方法就不停變 呢個正正就係股市好玩既地方 唔識與時並進就等比市場淘汰

    回覆刪除
    回覆
    1. 非常同意,非常後悔要過左咁耐先明白這個道理,錯失了這十年科技股的升幅 :'(

      刪除

Related Posts Plugin for WordPress, Blogger...