2015年5月27日星期三

儲錢買樓

上一篇中,有網友留言質問,一萬蚊人工的畢業生要儲幾耐錢先買到樓。

我想他的意思是說,香港樓咁貴,儲五百同三千根本無分別,因為都係買唔起。

我有幾點不太同意。

首先,點解儲錢一定要買樓呢? 見過有不少人都有這樣的邏輯,儲錢就一定係買樓,所以每當他們說 "儲錢" 都總會有 "買樓" 係後面。其實儲錢都唔一定要買樓姐。儲錢還有很多其他東西可以做。單單說投資,不一定買樓,買股買金買債一樣可以。

不投資,有多個錢傍身不是很好嗎? 香港地,甚至呢個世界,樣樣野都要用錢。點知幾時會頭暈身熱要花錢睇醫生。點知幾時有機會係面前要用錢去捕捉。

另外,點解一定要一出來社會就買樓自住? 單身寡仔,真的有搬出來自住的需要? 我不否認有些人是會有這樣的需要。但如果只是說要多一點私人的空間,要多一點私隱。。。。 真的要搬出去嗎? 我就見過很多其實都是沒有需要。

現在社會上很多人一畢業就要買樓住,這種態度本來已經很有問題。

之後,這位網友明顯是不滿意我的反問。他繼說,如果我無晒啲樓,又無父母的幫助,剛畢業,月入一萬,會不會儲錢買樓。如果買的話,點買。

我想他是說香港自住樓吧。

不過正如我上文所說,儲錢不一定等於買樓,錢我幾時都會儲。所以我答他,不會買樓,但會儲錢。

我不買樓自住,一來自己無需要。二來香港樓都幾貴,買層好少少都要幾十萬,甚至上百萬。有這筆錢的話,投資在其他東西上不是更好嗎? 當一百萬,五厘息,每年就多五萬蚊洗,差不多等於半年人工。另一邊厢,即使有首期,又可以九成按上到車。其實等於一下子揹幾百萬債上身,風險都不少。

我覺得買樓就是要量力而為,實在不應該為買而買。即使有首期,都要衡量一下各種因素。
儲錢應該是為了不時之需,而不是單單買樓。兩者應該要分得清清楚楚。

18 則留言:

  1. 回覆
    1. 每個人對未來機會成本的評估都不同。

      刪除
  2. Ricky, 你係外國住咁耐仲未知道華人個味野? 面子重要過條命囉
    如果要結婚等等, 有金條, 有錢, 有股票又點? 誇D講無樓的話外家會睇唔起你, 條女未必肯嫁你, 自己父母面子又更過唔去, 親朋又會背地笑你
    講到最後, 都係面子問題, 理財唔理財更要擺開一邊

    回覆刪除
    回覆
    1. 雖然如此,但重要面子不能當飯食,還是實際一點好。上一代如此,下一代不一定也要如此。

      刪除
    2. 這句話我跟前度說過, 他說要就下老人家, 他姐也擺了四十圍酒。後來他說無法忍受價值觀差距太大, 分手了。

      現在想起, 分手也是一件好事。現月入萬五, 扣除家用開支旅行後月儲一萬, 不用再被拉去高消費。工作只是半年有多, 每月看看戶口感到很恩惠, 目標是下年一月時有三十萬。

      刪除
  3. 其實ricky說的很同意, 但對好多年青人月搵一萬至萬幾黎講, 儲一百萬是不可想像, 因為他們只係死做然後儲, 即俗稱"dup 石仔",無他, 因為不認同複利的威力, 唔好講年青人, 中年人老年人也有不認同的。

    回覆刪除
    回覆
    1. 要儲到有一百萬,都要由儲第一蚊開始。

      即使父母俾,唔儲的,用晒的都係一蚊都無。

      刪除
  4. 呢樣講得岩呵, 唔儲錢又點投資理財呢 ?
    所以思維導致一個人是否成功 !

    回覆刪除
    回覆
    1. 再強的將軍都要手上有兵才可以。

      刪除
  5. 假如因為覺得樓太貴而唔儲蓄,就算SARS再臨都無辦法買到。

    回覆刪除
    回覆
    1. 道理就是這麼簡單,只是很多人都選擇逃避。

      刪除
    2. 其實 MERS 離我們不是太遠
      可能危機又會再來臨
      記得把握機會

      刪除
  6. 看完Yahoo 這篇很感慨! 怎能不儲錢呢?!

    https://hk.finance.yahoo.com/news/%E3%80%90%E7%90%86%E8%B2%A1%E5%A4%9A%E9%9D%A2%E7%9D%87%E3%80%91%E4%B8%8D%E8%83%BD%E9%80%80%E4%BC%91%E7%9A%84%E5%8E%9F%E5%9B%A0%EF%BC%88%E6%9D%8E%E5%85%86%E6%B3%A2%EF%BC%89-084750283.html

    回覆刪除
    回覆
    1. 身邊提示要儲錢的警示太多了,只是肯不肯去做又是另一回事。

      刪除
  7. 此留言已被作者移除。

    回覆刪除
  8. 儲錢係為左可以買機會,而唔係為左買樓。

    回覆刪除

Related Posts Plugin for WordPress, Blogger...