現實世界

成日都聽到有人講，錢唔係最重要，人生中有其他的東西更加重要。有錢都唔係咩都做得到，錢不能夠買到真愛，不能夠買到朋友，不能買到親情，不能夠買到健康.............

記得上年，在 Facebook 上就曾經有人這樣留言：

"人有錢，買得起車，買得起樓，又唔洗同人爭野，邊會care人地諗咩？有錢佬眼入面好多時得錢字，但又忽略佐人生入面其他重有好多其他野。可能會你話你都傻既，有錢想做咩都得啦，梗係顧掂自己先啦，咁你又同眼中只擔心股市升跌既師奶無咩分別。At least, I will care other ppl, but not just myself. 

如果你只係諗住經濟好，而你又對一個地方慢慢變得唔熟悉都無所謂，其實你依類人去到邊都無所謂。搵到錢咪得囉。"

https://www.facebook.com/90sdairy/photos/a.600743329967051.1073741829.598736490167735/774667105908005/?type=1&theater

唔知係咪學黃子華所講，真心說話用外語講會特別真心，所以呢位仁兄用左英語來講呢？！每次睇返呢幾句的時候，特別感覺到這位仁兄的真心。呢番說話聽起來確實幾有道理，一幅視錢財如粪土的風高亮節，清高得很呢，實在叫人敬佩。相對起來講，小弟我又真係好似滿身銅臭，成日開口埋口都只係識講錢，講回報，講樓價，講股價，講息率。甚至連我都開始質疑自己，我同班日日對住股票機的師奶係咪真係無分別。又或者，我是不是應該學這位仁兄一樣，學識 Care~ 多啲身邊人的看法，而唔係只顧及自己。

呢個問題，其實早在呢位仁兄之前，我都問過自己好多好多好多次，自己是否太過著重錢，而漠視了其他東西呢？

我當時回覆這位仁兄時，給了他這個答案：

"人生中確實不應只有錢，世上還有很多重要的東西。錢絕對不是萬能。可惜的是，長大了，卻發現我們都生活在殘酷的金錢世界裡。甚麼東西都要錢。自己的生活用錢不在說，幫窮人追尋公義，特別是在法治的香港，要錢給律師費，極少的律師會真為公義而不收錢打官司；就連這次學生運動，物資也不是從天而降，而要有心人用真金白銀去買。如果連自己都未能顧好，又何來顧及其他人，沒有能力一切也只是空話。"

其實我一直都想再講多少少。

我唔知道有錢人眼裡係咪只有錢，我亦都唔知道他們的人生為左錢而失去了甚麼。不過，我只知道的是，我們身處的是一個很現實的世界。為了一些東西，當然會放棄了一些東西。不只是有錢人，個個都是這樣。個個都要接受這樣的大自然規則。

有錢人為了錢，可能真係會為左錢而忽略了人生的很多東西。不過無錢人又何嘗不是為了錢，而放棄了人生的很多東西，包括所謂的 "care" 其他人。君不見多少人，每日朝八晚十一，每日營營役役努力工作，為的就是每個月出的那份糧。他們又何嘗不是失去了同親友共聚的時光，何嘗不是放棄了人生的其他東西。

你可能會話人有錢，就唔會理價其他人的想法。這個我不知道，我都未算係有錢，我身邊亦無幾個有錢人。不過調番轉頭諗，無錢人是否就會比有錢人更加懂得照顧其他人的想法呢？這個從我的身邊的人來看又未必，我看到的反而是更加多的是自私自利，更多想著自己的利益。

古人有一句說話，我覺得講得幾好，修身，齊家，治國，平天下。自己都顧唔掂自己，如何去顧及家人；連照顧屋企的能力都沒有，又何以見得有能力去協助國家；不能夠幫助國家，又何以為天下帶來朗朗乾坤，為其他人帶來一個更好的世界。

所以呢位仁兄其實講得無錯，我真係會講梗係要顧掂自己先啦。只有顧掂自己，先不做社會的負累，先可以顧及其他人。未顧掂自己，又何以有能力去照顧其他人。我就寧願我搵多啲錢，為我身邊的人帶來安泰的生活，都總好過全家訓街；先令自己有能力為我喜歡的人帶來溫飽，都好過佢同我一齊靠愛情飲水飽。

其實，班師奶睇股票買股票，無非都係想賺多少少，為左屋企晚餐的時候可以加多味菜，等屋企人食得開心啲。咁樣難道又唔算係為其他人著想？唔通下下要講拯救小店保留回憶，留住昔日時光，叫著要一個香港人的香港，一副大義凜然的模樣先叫做識得為人著想？

講番呢位仁兄的最後一句，其實佢都講得幾啱。我承應我就係依類人，真係去到邊都無所謂，最緊要係搵到食。返到以前祖父母的年代，他們又何嘗不是為了搵食，為了能夠過些安定的生活，而離開了他們熟悉的家鄉，走難來當時較為安定的香港。香港除了新界的那五大原居民之外，基本上個個人的祖輩都做過這樣的決定，難道他們依類人就有問題？

能夠留住熟悉的地方當然係好，不過當生計都成問題了，再熟悉的地方留著又有何用呢？總不能夠將這份熟悉當飯食吧。當然你或者會話，現在香港好差咩，下下都生計，溫飽，有無飯食？咁做人又不能夠只看今朝嘛，還要看著未來嘛。今朝雖好，但難保香港他朝不會衰退。你話係唔係？