2015年2月18日星期三

換燈膽都要我理

今日,我又幫租客換燈膽了。

自從做左包租仔之後 (以我的年紀,包租公未免叫得太老),我才發現我原本以為的世界,同現實的世界有很大的分別。

換燈膽就是其中之一。

別以為換燈膽很簡單。原本我也是這樣想,換燈膽是基本常識。如何將燈膽拆下,買個新的,然後將新的換上去,簡簡單單,又不是高科技,換燈膽應該個個人都會識。但原來我是錯的,換燈膽都不一定個個都識。以我的非正式統計,這幾年來就有一半的租客係唔識換燈膽。

燈膽如何拆出來? 唔識!
燈贍的插頭有分別?唔知!
燈贍如何裝番上去?唔識!

大學生都唔識換燈膽,有時候真的無言以對。同時亦會感恩細細個已經被老媽子教導這些 "常識"。而正正因為大部份租客都唔識換燈膽,所以每隔一段時間當租客打來,話燈膽燒了。我就要去幫租客換燈膽。我通常都要即日去幫他們換燈膽,因為總不可能懶懶閒唔埋租客,任由租客夜晚無燈。

有人話,投資物業好,坐定定有錢收。我覺得講呢番說話的人,都只係我睇你好,你睇我好的心態。以這幾年做包租仔的經驗來講,我不能夠完全同意這句說話。買樓出租,要幫租客處理問題,層樓事無大小,簡單到換燈膽,總之租客搞唔掂的,都要煩到業主。何來坐定定有錢收呢。

或者有人話,可以給代理去處理這些事,那就可以繼續坐定定收錢。

這就是我某程度同意投資物業好,能夠坐定定收錢的理由。(注意,我之前只是說不能夠完全同意,即是說,某程度上我是同意的。語言的藝術呀~)

用錢雖然可以解決的問題,就不是問題。

像這類不少的讀者,人在香港,樓在英國,不能事事親為,最好當然是請代理來處理較好,總不能夠下下有事搭飛機來英國。不過像我可以做到親力親為的,本著應使得使的原則,我覺得唔值得!況且,又根據我非正式的統計,類似的小問題,一間屋一年先發生一兩次,甚至完全唔會發生。每次用的時間又不多。(換個燈膽要多久呢?)既然可以自己做到,又不太花時間,為何要給人賺這些錢。

更何況,換個燈膽這些小事,好的代理或者肯順手做,不太好的,就會找電工來做了。英國出名人工高,藍領分分鐘值錢過白領。出動到電工這類藍領,一個鐘起碼二三十鎊,未足鐘照計一個鐘。單換個燈膽,前後不用五分鐘,已經要幾十鎊。

換個燈膽咁樣將血汗錢俾人賺,我實在覺得好肉痛!!

事實上,這在之前已經發生過。

話說樓二的租客,也就是我認為目前最好的租客,也遇到要換燈膽的問題。按他們當時的講法,換左個 "新的燈膽",但還是開不到。我好自然以為係盞燈的問題,所以叫了電工去整。但電工來了不夠幾分鐘,已經說整好了,新的燈膽只是插得唔夠好。(我到現在也想不明白,一家四口為何連個燈膽都唔識換。)雖然電工是相熟的,他本應說不用收錢。但一場來到,也不能夠讓他白走一趟,車馬費也要給吧。最後還是給了他十鎊。不過一分一毫也是血汗錢,這還是叫人心痛。重點是這十鎊花得沒有價值,換個燈膽十鎊,不如我自己做,我自己袋。

最後,物業投資是否如很多人說的那麼好呢?

我覺得未必,要看看你是甚麼人。要投資買樓收租的,最好是唔怕麻煩的人。怕煩的人,就要唔介意給其他人賺錢。否則,買樓租樓,每個階段都有極多東西麻煩,又怕煩又唔願意俾錢人賺,或者唔太適合買樓收租。







13 則留言:

  1. 呢樣要睇你租客是乜人啦, 因為老公沒試過幫租客換燈膽, 去幫租客通渠就試過, 當然最後要叫人來通渠 XD, 不過呢D野唔係日日要做, 幾年都無一次 !

    回覆刪除
    回覆
    1. 看來 Lisa 姐的租客至少識自己換燈膽,我真的希望我的租客早日學識。

      刪除
  2. 包租公係咁架啦,我禽晚先至去幫租客通坑渠。

    回覆刪除
    回覆
    1. 只係想唔到換燈膽都要自己做,通坑渠我還是番俾師傅做了。

      刪除
  3. 點解唔搵管理公司管?
    我自己覺得Keep返D精力搵銀好過

    回覆刪除
    回覆
    1. 正如文中所講,我覺得能夠親力親為的,搵管理公司實在唔值得。反正租務上的東西加上這些麻煩,也花不了多少時間。計計數,計算把省下的錢除以花在租務上的時間,有可能每個鐘值幾十甚至幾百鎊。每個鐘咁多錢既工去邊度搵。當係返多一份工也不錯,也算是另一種搵錢的方法。除非之後每個鐘搵的錢可以多過這個數,先會考慮搵管理公司管理。而且親力親為還可以同租客多交流,有咩事可以即刻知,這也是好處之一。

      刪除
    2. 想問下各位前輩, 如果真係想喺英國搵管理公司打理個單位(因為我住喺香港, 好少過去), 有冇邊間管理公司介紹?
      謝謝~~

      刪除
    3. 想問下各位前輩, 如果真係想喺英國搵管理公司打理個單位(因為我住喺香港, 好少過去), 有冇邊間管理公司介紹?
      謝謝~~

      刪除
  4. 你好!
    首先多謝你在blog中分享投資、英國買樓經驗。
    亦祝你羊年:洋洋得意、豬籠入水。
    想請教一問題,在uk property website常見"no chain"一詞,係指什麼呢?

    Wilson

    回覆刪除
    回覆
    1. Hi Wilson,

      新年快樂。 :)

      No chain 的意思係賣家不是樓換樓,用賣樓的錢買新樓。

      刪除
  5. Hi 謝謝你回覆!
    在blog中你間中提到主要出租俾學生,其實你係咪一次過出租俾幾位相熟學生(一張租約),仍或每房間出租俾唔同學生(每房間一張租約)呢?

    回覆刪除
    回覆
    1. 我通常都是幾個學生一張租約,而且都不是相熟的。

      刪除
  6. 你好, 為了個女的升學大計, 拜讀你的BLOG, 真心學到好多野,亦佩服你小小年紀, 心態如此正面,好值得我女學習。想請教一下, 請問有沒有比較好的物業管理公司可以介紹?是專門指定另個管理人員?,還是委託公司, 由公司隨意指派工作人員跟進我的物業?

    回覆刪除

Related Posts Plugin for WordPress, Blogger...