2017年8月7日星期一

讀者來信:理財目標




問:你好,我叫xxxx,之前未投資過,完全唔知點開始,可以請問應該點樣開始?又應該睇咩書?

其實對投資冇咩概念,所以想問下。😁😁😁😁。

答:我認為首先要看你有甚麼目標,是要建立另外一份被動收入,還是要儲一筆錢作未來之用。理財上我會建議你可以先從看富爸爸,窮爸爸入手。再看止凡所出的幾本書,內裡都有很多很有用的理財知識。在有一定的基本知識後,才去進行投資。


問:唔識投資有咩問題,但身邊既人不繼講,你年紀都有咁止下,要為自己打算下,就開始諗會唔會應該開始學下呢,但又搵唔到人問😖😖😖完全冇方向😑😑😑 我既目標係想儲錢,為將來用,防老?🤔🤔咩係被動收入? 好的,去書店買黎睇下先😌😌thanks 其實我有諗過做外幣定期,但好似回報太少,同埋本身就係月光族同返緊學費,儲既錢就唔多,所以可以拎黎投資既錢唔多😭😭😭


答:看你的電郵,年紀也應該不太大吧。防老的話,最重要是看你現在的歲數,才可以再去推算一個合適的投資及儲蓄計劃。 被動收入就是股息,租金等等,不用從工作上獲取的收入。 如果你不介意,或許可以分享一下你的資料,收入,支出,等等可以參詳一下,看看有沒有可以給你的意見。


問:年紀大你少少😝😝,因為畢業之後做左近一年野就去左澳洲working holiday,返黎之後做左三個月又因私人野離左香港,直到上年年頭先再返黎,又因屋企野一直到上年7月先搵到野做,就到依家,人工13700,家用、卡數、lunch、交通就$5500。仲有每三個月要還一次loan大約$3500(讀大學借既,到19年)  因為冇人問,問朋友又唔答,應該驚,唔會答,所以冇人問,都幾無奈🤣🤣🤣完全冇方向😞😞😞😞

答:如果你跟我的年紀差不多的話,那我是不建議你這麼快就把目標放在養老上。我會建議你把目標放在個人發展上,把理財視作儲備發展這些機會的潛能。如果站在你的位置,我會首先去想現在工作行業的前景,以及自己是否真的有興趣,還是只是一份為搵兩餐的工作。如果是只為了搵兩餐又沒有太大發展空間的工作,我就會想有沒有可能轉工,又或者可以在工餘的時間發展其他的事業。如果有,又需要甚麼的條件呢?錢,時間,學歷? 在知道這些目標及條件後,才去制定一個理財的計劃去達到目標。

問:因為之前講既我畢業後有好多時間都唔係香港,所以試過唔同類型工種。但最後都係做返account,btw我係讀account,我都唔知算唔算鐘意,但我冇諗住會計考牌。所以轉考HKICS既牌做company secretary ,我都唔知好唔好,但我知如果唔考牌繼續做account既話,冇前途,所以想轉。考HKICS每科考試費要$2000加上堂學費$4500,一科共$6500。我應該要考4科,原因係共8科,但我既degree 有機exempt到4科,要再睇佢批唔批。 但呢d野會影響到我投資? 其實我興趣係煮野食,想將來開私房菜,但我都知好難😅😅😅,不過都冇所謂😆😆😆,可以當興趣😁😁😁

答:睇番你的收入同支出,我當卡數係你的日常洗費,你住屋企家用是晚餐及住屋,這樣計你一個月可以儲四千蚊,幾百蚊走趲,例如紅色炸彈之類。 會計唔考牌的話,前路的確有限。即使考了牌,我的看法是會計行業在香港每年一大批的畢業生擁入這個行業,加上本身已經在這個行業的人,競爭已經是非常的激烈,在這個因素下,機會及人工定必會繼續受壓,未來的前景不容樂觀。再說長遠,多個對未來工種變化的預猜中,會計也會是受到智能化所影響的重災區之一。

反而,讀秘書課程,計學費考四至八科的學費 (不肯定幾多科可以獲得括免,計埋最壞情況) 二萬六到五萬二。假設你把四千蚊全部儲來考試,都係半年到一年多的時間。用一年多的時間換一個發展的機會,我認為是值得的。 不太清楚香港的行情,一個好的秘書,講求的是做事靈活,待人接物,面面俱圓。這些科技不容易取替。好秘書十分難求,還記得我舊老闆請秘書的時候,過百份履歷表,見幾十個人,先搵到適合的。當然她的人工,亦比不少白領要高得多。

論投資,我認為充實自己也算是投資的一種,不一定是局限一定要買樓買股票。我認為投資在自己,擴大未來的發展空間,將來可能得到的回報,比起你現在投資資產更加大,因為自己的能力增加,可以做的事情更多,那未來的變化可能會更加大,變化隨時帶來豐厚的回報。

若果我是你的話,我現在會先集中 “投資” 在自己身上,除了考牌外,還會開始找相關的工作,當是邊做邊實習,相信這樣對你考牌也有幫助。盡快把這個牌考完,再進行下一步。 投資防老固然是個目標,但這個目標太遙遠,我會建議把這個目標拆細,先集中在擴大收入,增大儲蓄能力,然後才去想把儲蓄發大用來防老。



6 則留言:

  1. 我見你推介我的著作,希望幫到他吧。

    回覆刪除
  2. com sec 公司秘書不是私人/老闆秘書,是需要專業會計知識的。有80後朋友做這行,考牌後人工三級跳,但新人入行的情況我就不太清楚了。

    回覆刪除
    回覆
    1. 好的秘書,不論是私人或是公司秘書,都有番咁上下斤量。好的私人秘書,專業知識一樣唔少。做秘書仲要面面俱圓,真係一啲都唔簡單。

      刪除
    2. company secretary is not the "secretary" that you have in mind la...

      刪除
  3. 這篇讀物值30皮,越來越覺得你寫文的風格,傢"永不做田雞"作者,鋪排有序,直逼前輩(自已友)

    回覆刪除

Related Posts Plugin for WordPress, Blogger...