2016年8月16日星期二

一係威威, 一係攬女, 一係工作打拼

上一篇 <乞丐的故事> 中,七十後兄留了一個很值得思考的留言:

"後生仔, 一係威威, 一係攬女, 一係工作打拼. 

咁快想做乞衣做襌師做食訓加菲貓, 似乎唔係好襯年紀. 

到好似有人年老時, 午夜夢迴, 撫心自問, 一生過成咁. 可能有點浪費. 

 人一世物一世, 乜都試下啦. 

 英國物業仲有得升, 會否買架BEN 跑番大學威一威?" 

本來已經覆了,不過激發了思考,索性另外出文。

先解釋一下,上一篇並不是說要做乞丐。只係我認為人最重要的是搵到一個適合自己的平衡點。並唔係話一定要做到乞丐成日唔做野,或者有錢人一樣由朝做到晚。當然每個人在聽完故事後都有自己的理解。

再講一講,七十後兄說要在後生做的事情。

老實講,頭兩樣我真的不太感興趣。

要威威,揸架法拉利返學,俾人投以羨慕的眼光?!

我認為再威再得戚又點,都係一殺那的事,都係做俾人睇姐,自己又唔會生多塊肉。與其將心思放在諗點威之上,不如將心思放在自己想做的事上仲好。

況且,就我到目前所見,我覺得威的人,他們都不用刻意做出來。他們的威是來自他們的學識,修養同性格,真正令人佩服。要裝出來的威,那只是土豪式的威,這種威要不要也罷。

"人一世,物一世,咩都要試下。"

我其實好反感呢一句,覺得呢句真係害死好多人。

人一世,物一世,毒品試下先。。。。
人一世,物一世,去左旅行先。。。。
人一世,物一世,買埋呢樣先。。。。
人一世,物一世,享受左先算。。。。
人一世,物一世,賭埋呢局先。。。。

講攬女,

鬼妹,日本妹,港女,韓妹,台妹,泰妹。。。。
清純,狂野,小家碧玉,大姐姐,小妹妹。。。。

要試邊到邊得晒。所謂學海無涯,慾望又何嘗不是無涯,要試既試得幾多。

對我來講,啱既,一個就夠晒數。找到個適合的人就可以。

根本無謂去追太多。生命有限,以有限去追無限,我覺得就係太蠢。

平凡是否就不好呢?

我覺得未必,平凡過活也可以是一種幸福。

全都是每個人自己的選擇,有得必定有失。

有些人想過平淡的,有些人想過刺激的。

你叫一個想過平淡的去過刺激的生活,對他來說是一種痛苦,相反亦然。

過了一輩子平淡,或許有一天真的會覺得咁就過左一生。

但一輩子見盡風浪,會不會最後又期盼可以平平淡淡,從不經歷這些風浪呢?!

做到胡雪巖般,威又威過,女又攬過,做又做過。到頭來,都是得不到平凡的快樂。

有首歌的歌詞,我覺得寫得幾好:

"在我得到整個宇宙以後,突然懷念你。。。"


16 則留言:

  1. 呵呵,很有共鳴。
    我對“人一世,物一世”也是挺反感的。

    回覆刪除
    回覆
    1. 我覺得人一世,物一世,只是商家推銷的策略。

      其實諗諗都知係錯,人一世是有限,但物無窮是無限。

      以有限追無限,根本是無可能。

      刪除
    2. 人一世是有限,但物無窮是無限。

      以有限追無限,根本是無可能。簡值連禪師也很埋一便.無怪禪師少出拙文.:)(自己友)

      刪除
  2. 個人喜好,個人選擇,能體現人生價值即可。
    不宜用別人的價值觀勉強自己,也不宜用自己的價值觀衡量別人。

    回覆刪除
  3. 90 後弟弟不是港樓收租,我無攻擊之意。
    只係,有冇諗過家人期望?
    當然忠於自己係最好,不過好多時候身未必由己。
    池兄,我唔係收租阿婆,只係大好年青人,走走闖闖也好,唔係叫佢花天酒地。
    努力搵番個女朋友孝敬長輩,開心過恒指升一倍呢。

    回覆刪除
    回覆
    1. 其實由兩個留言所見,感覺上70後兄對好生活唧定義有一翻見解,但有無諗過你眼中嘅好未必適合每個人。如果你有睇開個blog,你應該知道blog主唔係一個唔知自己做緊咩嘅人,當個blog名都寫到明係"追尋自己想要的簡單生活", 你都係要用自身定義去衡量別人嘅生活,未免有點那個。

      刪除
  4. 我反而有興趣想知道你的童年背景。老實說,如非有所經歷,很難令一個後生仔如此看得開或者如此看破世事。我作為一個八十後都十分偑服,我有時也會迷失於物慾當中。
    共勉之

    回覆刪除
    回覆
    1. 哈哈,其實都係平常聽到的故事,和見到的人和事而看出而已。道理無處不在。打個比如,單睇香港先生也可以看出兩性之間的不公平,女的可以對男的上下其手,男的如果這樣做,一早報警了。從而亦可引伸出公平只是相對,而不是絕對及固定。之後,又可以在這論點上再引伸出很多的思想。

      刪除
  5. 好有同感,亦喜歡池兄寫的「不宜用別人的價值觀勉強自己,也不宜用自己的價值觀衡量別人。」

    只要自己舒服,又唔影響別人,其實所謂平凡,所謂精彩,最緊要唔後悔。

    最近亦有感而發,小時候以為如果環遊世界,之後必會有好大的改變,做D好精彩的事情。現在發現,原來發現世界,其實係發現自己。在無單一標準情況下,單純諗自己真正想過的人生是怎樣,這才最重要。

    回覆刪除
    回覆
    1. 我覺得有句話說得好,隨遇而安。

      刪除
  6. 不知為何前天的留言沒有出現..

    回覆刪除
  7. 十分有同感, 不要讓世俗規劃了自己一生!

    回覆刪除

Related Posts Plugin for WordPress, Blogger...