2016年8月13日星期六

乞丐的故事

真實故事改編

話說有一日有錢人在返工嘅途中佢遇到一個正在向途人乞錢的乞丐。

於是有錢人就同乞丐講,不如你同我打工,我糧畀你。你就唔再需要在街上日曬雨淋。

乞丐同有錢人講,我點解要返工?點解要搵錢?

有錢人話:有錢可以買好嘅嘢食住好啲瞓好啲。

乞丐就說:一個人食幾多著得幾多得幾多。食不過三餐,睡不過一覺。住得更好食得更好瞓得更好都係一瞬間嘅事情。畀你食鮑參翅肚,之後都係疴返出來。跟吃乞食回來的東西的,結果都沒有分別。唯一嘅分別只不過係食得舒服一些。不過你就肯定你食得真係舒服?!

乞討續說:我吃東西的時候,無憂無慮,我可以專心品嚐食物的味道。乞到多些的時候,食好一點,感受好的味道;乞得少的時候,就吃差一點知道差的味道。但係我睇有錢人你,食野的時候,都要忙著去諗點樣去管理公司,點樣去解決問題,有著無盡嘅煩惱,根本就冇可能好好咁品嘗食物本身嘅味道。那即使你食得更好又有咩意思呢!

不錯,你或者可以因為搵錢而可以過上你認為更舒適的生活,但事實上係咪真係更舒適呢?!

喺搵錢嘅途中你所帶來的壓力煩惱憂慮,以及所犠牲的,是否真的值得呢?

雖然我食得冇咁好,瞓得冇咁好,但這種方式的生活,至少是自由自在無憂無慮。你所追求的不也是這樣嗎?

有錢人聽到之後認真去反思自己過緊既生活,雖然自己揸靚車住靚樓,但係無時無刻都要不斷去俾各種嘅壓力及工作。揸車的時候要不斷講電話,也根本冇時間享受揸車嘅樂趣,有靚車跟無靚車一樣;每晚深夜返屋企既時候,只是在床上睡一睡,之後第二朝一早就要返工,連認真睇間屋的時間也沒有,更惶論辦去陪家人,

於是係聽完這個乞丐的說話之後,有錢人從此就開始慢慢放下腳步。

------------------------

每次跟人分享這個故事,都會得到有趣的回應。

有些人如有錢人般,開始反思生活。

有些人會說教壞細路,令人失去上進的心。

我就認為,最重要的還是在中間取得平衡,在慾望和生活中間。

乞丐固然是一個極端,但有錢人又何嘗不是另一個極端。

16 則留言:

  1. 值得深思的故事,曾經在《永不當田雞》中寫過類似故事。城市人在追求財富的同時,也要顧及生活與心境的平衡。

    回覆刪除
    回覆
    1. 哈哈,止凡兄說起好像有點印像。不過今次呢個係真人真事。 :p

      刪除
  2. 哈哈,你這麼快便要向自由一千萬兄的禪師位進發?

    回覆刪除
    回覆
    1. 哈哈,襌師地位不能動搖,我只係分享我的聽到的故事姐。

      刪除
  3. 錢不是萬能, 但無錢萬萬不能 !

    回覆刪除
  4. 又幾似禪師寫D嘢,但卻不無道理,縂覺生活與作息及家人要取得平衡才能有自在人生!

    回覆刪除
    回覆
    1. 可以啓發人思考故事生活上成日都有,係有無留意姐,哈哈。

      刪除
  5. 後生仔, 一係威威, 一係攬女, 一係工作打拼.
    咁快想做乞衣做襌師做食訓加菲貓, 似乎唔係好襯年紀.

    到好似有人年老時, 午夜夢迴, 撫心自問, 一生過成咁.
    可能有點浪費.

    人一世物一世, 乜都試下啦.

    英國物業仲有得升, 會否買架BEN 跑番大學威一威?

    回覆刪除
    回覆
    1. 我覺得最重要都係搵個適合自己的平衡點姐。

      要威威,點先算威先。揸架法拉利返學,俾人投以羨慕的眼光?! 再威再得戚又點,都係做俾人睇姐,自己又唔會生多塊肉。我覺得不如細水長流,做自己野仲好。

      要攬女,攬幾多先夠。人一世,物一世,係咪咩女都要試先,鬼妹,日本妹,港女,韓妹,台妹,黑妹....... 所謂學海無涯,我覺得慾望亦是無涯。追求是無窮無盡,對我來講,啱既,一個就夠。無謂去追,生命有限,以有限去追無限,太蠢。

      平凡過活也可以是一種幸福。

      功成之時,萬人之上,又可能係高處不勝寒,只能稱孤道寡。

      刪除
  6. 有錢人可以選擇體驗乞衣生活...乞衣無得選擇過有錢人的生活 =/

    回覆刪除
    回覆
    1. 講就得,有幾多有錢人真係可以做到乞丐的心境,體驗乞丐的生活。

      刪除
  7. 似乎Ricky真的有點兒撈過界,衹怕禪師日後.......要加把勁糊口.
    或許改為自由一千萬投資日記.:]
    自己友

    回覆刪除
    回覆
    1. 哈哈,無話撈唔撈過界既,都係分享下姐。

      刪除
  8. 呢位有錢人能聽得到這位乞丐的一席話...

    其實都係佢本身肯放慢腳步,先至留意到乞丐; 肯停下關心,才會有所得著...

    回覆刪除

Related Posts Plugin for WordPress, Blogger...