2012年3月29日星期四

黑天鵝-新地 + 後記

  之前一間間民企出事,想不到如今連身為地產霸權之首,作為大藍籌的新地也出事了。話說今日新地的兩位老闆加上"橋王",前政務司許仕仁,三人一同被老廉請了去飲咖啡。新地及系內的數碼通同新意網,隨即於今早話有敏感消息公佈而停牌了。作為大藍籌,市值又成3000億的新地,今次出事或多或少會影響股價,更加有可能影響到股市。

  雖說今次事件會影響到股價,但我認為新地的業務已經發展得成熟及穩定,事件對新地的真實影響甚少。一來新地的護城河夠大又夠闊,收租佬的業務夠穩定,不會被科技及時間而淘汰;二來新地的收租物業已經可以為集團每年提供過百億的現金,就算今次事件令管理層有所改變,甚至是三流的管理層上位,亦不見得會令到新地的收入有太大的影響,最多變成希慎一樣的純收租佬。當然這個只算是一個樂觀的看法,這件事到現在都未明朗化,為新地帶來的實質影響始終都是個未知數,需要繼續密切的觀察。


  不過假若新地因此事而大跌,我反而會盡可能再加碼新地,因為係未看到任何對公司的實際影響時,我對新地依然充滿信心。只有在實際影響到公司基本運作時時,我才會考慮沽出新地,否則無謂為可能發生的事而杞人憂天


  

  不過講開又講,睇到郭兄弟座車入老廉時不停按住個鼻,我真係想知道究竟這在心理學上有何含意,還是我只是諗多左呢!
  



後記:正如昨日所講,新地大跌就會加碼,今日新地跌成一成,我認為是可以加碼了。諗住將銀行裡最後的$1000都以月供方式買入新地,可是忘記了今日是中國銀行的月供結算日,不能更改或新增月供股票。要買新地就要慢慢等到下一個月了,新地你要等我!

4 則留言:

  1. 中國銀行以月供股票的方式來買股要$50。如果唔係今次跌咁多,令我有衝動連最後的$1000都拿出來用,我會等多番些子彈才買,減低手續費佔的比重。

    回覆刪除
  2. 但收股息時會俾手續費侵食大部份利益吧?

    回覆刪除
    回覆
    1. 所以有機會一定要轉番實股,減少手續費!!

      刪除

Related Posts Plugin for WordPress, Blogger...