2016年7月31日星期日

工作

大學畢業之後,身邊很多人問我會做甚麼。

我選擇繼續留在英國,然後搵了份 "打雜" 的工作。

好多人聽到之後覺得奇怪。覺得為何我要去替人工作呢?我大可以集中管理自己的資產,不用去打工,將樓交給經紀去管理。

在很多人的眼中,有能力可以自己同自己打工,就應該自己做老闆。做老闆比做打工仔要好得多。

只是我覺得工作可以吸收更多的經驗,見識更加多,而且有老闆指導,每日袋錢入我袋,可以在以後的日子事半工倍。

事實上,在短短幾個月的工作中,已經學到了很多之前要用真金白銀先換到的教訓。真後悔沒有早一點學到,那就可以行少很多很多的冤枉路。

現在的工作比起以前在大學的時候要忙碌得多,工作時間也長。每朝五六點就起身,揸車上工地,一直到夜晚八九點返到屋企後,仲要睇文件。所以連寫博客的時間都難以抽出來。

不過,我覺得這樣的工作是我所喜歡的。

老實講,老細俾少一點人工我,甚至不給我人工,我也不介意。(這句不能俾老細睇到呢,呵呵)

我認為財務自由,好多人都想做到。但有很多人曲解了當中的意思,認為財務自由就等於退休唔洗做,係一種享受。但我自己的睇法是財務自由所表達的,更多是一種心態,一種你可以選擇去做自己想做的事情的心態。

21 則留言:

  1. //很多人曲解了當中的意思,認為財務自由就等於退休唔洗做
    池某常說財務自由只是一種選擇,若被這麼一名詞牽著鼻子走,本身就是不自由了。

    回覆刪除
    回覆
    1. 同意,硬要追尋財務自由也是一種枷鎖,亦都變到不自由了。

      刪除
  2. 但上一代人既觀念係, 財務自由等於退休, 一個年輕人經常想財務自由, 是懶散的表現呢.

    回覆刪除
    回覆
    1. 財務自由的概念,同其他野都一樣,每個人的睇法都唔一樣。有時真係無咩好爭論,講極都係得個吉。

      刪除
  3. 我同意出外工作找些寶貴經驗。

    回覆刪除
  4. 既然財務自由了可以選擇創業,應該不一定要唔收人工做嘢嘅。

    回覆刪除
    回覆
    1. 講姐,點會真係唔收人工,車馬費都要啦,哈哈

      刪除
  5. 剛有後輩朋友,今年24歲左右的00後。
    考左英國註冊藥劑師後留英工作,同cutie 型藥劑師女友同居中(租樓,可能係你租客),屋企都有錢,住馬山定火炭五年內過千呎單位。
    不過呢位小朋友不要屋企錢,靠自己儲錢買樓(未買)。
    所以唔一定要創業,不過打份好工,美滿生活,唔會比人笑靠父母(未來應越黎越多起底起家底),留英留港,創業與否,放諸一切皆適用。

    回覆刪除
    回覆
    1. 同意,唔一定要下下創業。清楚自己既,做工一樣可以好好。

      至於靠父母,呢啲睇人點講既姐。即使係七十後兄所講的這位朋友,亦有人會話要靠屋企先去到英國,都係靠屋企。我呢啲真金白銀靠屋企既,早就無所謂俾人笑,哈哈。

      刪除
  6. 等同我想做收銀, 但為左兩個錢一定要做現在的工作. 但財務自由後我就可以不考慮金錢做我喜歡的工作了

    回覆刪除
    回覆
    1. 做收銀都唔錯,我以前在超市打工的時候,幾多收銀其實都已經財務自由左,根本唔介意人工。

      刪除
  7. Ricky:

    你真係好識諗! 打工雖然忙,但係有嘢學,又有人工,的確好開心。當然會有負面的東西,但好多人只記得壞處,而忘記了好處。

    最後又要再讚下你,華人男仔係英國搵工係唔易,聽到某幾個都搵左兩三年先搵到。

    祝你工作順利!

    kenny

    回覆刪除
  8. 能夠揾到好工真戥你高興,何謂好工...一份除咗你做得開心亦包括工作環境中的人-你喜歡或唔討厭﹗財務自由唔一定係唔做嘢,而係做啲喜歡做嘅嘢^^

    回覆刪除
    回覆
    1. 多謝古謙兄,非常同意你所講的。

      做到鐘意做的野,真係唔覺係打工。

      刪除
  9. 除左錢,攞經驗、人脈都係工作嘅另一些得著!

    回覆刪除
    回覆
    1. 無錯,打工可以增廣見聞,呢啲有錢都買唔到。

      刪除
  10. 90後的層次更好了,很多人都想快些退休什麼都不用做,但是否真的有意義呢?

    其實最重要是做到自己喜歡做的事! 什麼都不用做,其實是很悶的!

    回覆刪除
    回覆
    1. 做人唔做野,同條咸魚有咩分別,哈哈

      刪除

Related Posts Plugin for WordPress, Blogger...