2015年9月4日星期五

我的保時捷

對不起,又做了標題黨。

如果你真是以為我買了部保時捷,或者有部保時捷而點入這篇文,恐怕是要令你失望。在此先說聲不好意思。我未買 / 未有保時捷呢!

話說,早兩日上律師樓搞埋樓5的一些手尾。

平時上律師樓,少不免又借機會跟律師吹吹水,談天說地。順便亦都收收風,睇下市場的情況如何。律師站在樓市的前線,有甚麼風吹草動,他們很快就可以感覺得到。

我覺得我的律師之所以工作,已經不是再為了賺錢,而是為了消磨時間,跟熟客吹下水。為甚麼這樣說呢。秒速回覆,十次八次的電郵都可以在五分鐘內回覆,好幾次還要是在一分鐘。我剛發了電郵,還在電郵的頁面,就已經收到他的回覆。他是不是沒有客仔,特別清閒所以可以這樣。又唔多似,因為佢會揀客來做,不合心水的就推。據他的說法是,有些客仔很麻煩,日日都奪命催魂電話。佢無咁好氣應酬這類型的客仔。其實這些都已經不在話下,最令我有這種感覺原因是,每次上去律師樓搵佢,都總可以跟他暢談一個鐘,還要是完全免費!!

在我認識他之前,認知裡的律師收費昂貴,費用要逐分逐秒計,每次對話開始前都要按一下計時器。所以要跟律師說話,大多要長話短說。如果要跟律師傾一個鐘,收費應該不少。但我的律師就完全唔同,跟他約好時間上去,就完全可以傾幾耐都得。簽文件明明只係要五分鐘,但他就會開始談東談西,總之無一個鐘都唔放人走。在他身上的確學到很多的東西,以及聽到很多有趣的故事,有機會的話會跟大家分享一下。

今次都唔例外,簽完文件,就同律師傾下計。

律師開玩笑問我,你幾時買保時捷?

我楞了楞,保時捷?甚麼保時捷?幾時話要要買保時捷?

作為由開始見證著這幾年變化的他說,你這幾年都已經收獲了不少。稍為獎勵一下自己吧,後生仔。保時捷不錯呀,你又唔係買唔起。

注:我律師是很清楚我的收入和支出的,一來是所有買樓的手續都是經他處理的,二來他大概都知道每層樓的租金收入和支出。在這裡他所講的是保時捷入門版 Boxster。911 還是買不起呢。英國買車比香港便宜得多。以 Boxster 為例,香港賣八十幾萬港紙,英國賣都係四十幾萬港紙左右。上會更加唔洗十萬港紙,供的話每月幾千蚊左右。

他續以語重心長的語氣說,做人唔好只顧住賺錢。賺到錢也要適當地享受一下。不然一直這麼努力地去賺錢,而不懂放鬆會很辛苦自己。他大概的意思就是指醒我,怕我對自己儲錢的要求太高,而忽略了放鬆自己,要好好享受一下,體驗人生。

我是明白他的意思,也謝謝他的好意。我同意他的這一點,識賺錢時,也要識花錢。不然賺錢來幹甚麼。錢不打算拿來用,一開始就沒有賺錢的需要。反正有錢和無錢,對一個不花錢的人來說是完全沒有分別。這樣的人把心力花在賺錢以外的事會更好。生活是需要隨著收入的增加而提升,不然一年搵十億也好,但還要勒緊褲頭做人,還有甚麼意思。

當然花錢又未必一定是指消費,也可以是花錢來做慈善,不過這又可以是另一個討論的話題。在這篇就暫且當作是消費。總之識賺錢,也要識花錢。

不過我就解釋說,我認為花費是要按著收入的比例去增加。我的目標就是控制花費在收入的一半左右。即是說,每十蚊的收入,只花五蚊,其餘的拿來儲蓄(事實上,這幾年來花費的比例只是在十分之一左右。)。

先不說我沒有興趣買保時捷。即使以目前的狀況,負擔是負擔得到保時捷,不過買了就會嚴重超出我的標準,違背了理財紀律。所以是絕對不會這樣做的。簡而言之,負擔到都未必等於一定要買。現在就未係買保時捷的時機。要買 "保時捷" 還是要當收入到某個位置的時候,那時或者我會考慮考慮考慮考慮一下。總之,就係等等等等等等,等到收入再高一些才再算吧。目前還有更很多的地方需要用到這些珍貴的子彈,子彈還是要小心來用。

最後,我跟他開玩笑說,話需如此,但說不定有一日,我們可以一起在蘇格蘭的公路上一起頭搖又尾擺~


35 則留言:

  1. 當財務自由後,認真要思考花錢問題。
    這相信是一大學問。

    回覆刪除
    回覆
    1. 未到財務自由,暫時都唔洗諗住。廢事又傷腦筋。

      刪除
  2. 非常同意"做人唔好只顧住賺錢"。支持RC兄買波子。:P

    回覆刪除
    回覆
    1. 呵呵呵呵,謝謝 Tom 兄的支持。要買波子,看來還要等很多很多很多年。首先要搵到個有車房的地方安置它,不然買了波子任它風吹雨打會很心痛。

      刪除
  3. 给自己一个期限或目标,不然赚钱会很容易迷失自我

    回覆刪除
    回覆
    1. 我也是這樣,但根據往績,通常是目標實現了,但許下的獎勵總是一拖再拖,哈哈

      刪除
  4. 同上,支持買車!
    溝死女了

    回覆刪除
    回覆
    1. 最怕買的時候已經是垂暮之年。。。。

      刪除
  5. 比起波子入門版, 似乎AUDI TT 是更好0既選擇...呵呵..

    回覆刪除
    回覆
    1. TOM 兄...BENZ SLK...比較老闆車,

      唔0岩後生仔...真係以為揸老豆車...

      刪除
    2. SLK雙門開蓬雙座位,戰鬥格唔錯wor,不過TT都好好。

      刪除
    3. audi TT 唔係唔好,不過通街都係,略嫌普通。差少少的話,買 boxster 好似抵啲,話晒都係 porsche。SLK 如吳兄講,又略嫌成熟左少少。暫時覺得 boxster 同 bmw z4 係唔錯的選擇。

      刪除
  6. 未看內文就知道一定是標題黨 (笑
    我的認知是你的興趣都不是在保時捷, 至少暫時不是 :)

    回覆刪除
    回覆
    1. 世風日下,這年代寫文章都要做標題黨呢,哈哈。

      暫時都未係,還要等下。。。。希望等到有一日係啦。

      刪除
  7. 嘩你個律師甘好,羨慕死人。

    回覆刪除
    回覆
    1. 遇到個咁既律師都真係幾好彩。

      刪除
    2. 建議Ricky下次標題,用素描畫律師的頭像,以解Blog友盼望之情.
      Hare T 真不好意思在你新張之喜的Blog 留言,因習慣用匿名,而你的留言區沒有展示,所以祇能在這兒跟你hello.你正好填補Ricky 另一半空頁.想問你購買那6個單位,是英國那個城市.真的很高興加入這團隊.加加加加油.(自己友)

      刪除
    3. 建議Ricky下次標題,用素描畫律師的頭像,以解Blog友盼望之情.
      Hare T 真不好意思在你新張之喜的Blog 留言,因習慣用匿名,而你的留言區沒有展示,所以祇能在這兒跟你hello.你正好填補Ricky 另一半空頁.想問你購買那6個單位,是英國那個城市.真的很高興加入這團隊.加加加加油.(自己友)

      刪除
    4. 下次問下佢可唔可以影相,好過用我的畫功畫出來啦。我淨係識畫火柴人,哈哈。

      刪除
  8. 買不買都好,最開心係可以「選擇」,有得揀先至係老闆嘛!

    回覆刪除
    回覆
    1. 咁又係,有選擇的權利都不錯。

      刪除
  9. 這個標題的確很吸引人,哈哈!

    保時捷開在路上,也肯定會吸引眾人目光,包括美眉 :)

    回覆刪除
    回覆
    1. 美眉是否指艷羨目光?馬來西亞的用語確實跟港式真的有少許不同.:)

      刪除
    2. 美眉應該是指靚女的意思,呵呵呵呵。

      不過保時捷在英國都吸引不到甚麼人的目光。保時捷通街都係。

      刪除
    3. 美眉應該是台灣人的用語 :)

      刪除
    4. 此留言已被作者移除。

      刪除
  10. 覺得就算你有錢買,都唔會買,你唔會係嗰類人。
    話時話,鄰居係車行做,成日有新車泊係我隔離,有次佢揸左架rolls royce番黎,仲係15年新車,幾乎貴過間屋,心諗如果自己要揸架咁嘅車出街,個心都會安樂。

    Kenny

    回覆刪除
    回覆
    1. 保時捷入門版還可以考慮考慮。再以上的超跑就真係唔會買了。

      同你一樣,我都係唔明點解會有人揸架幾百萬的車出街。有咩事界花撞傷都心痛死。真係唔好彩係郊區撞到隻動物,真係喊都無謂。

      刪除
  11. 新tt好正
    平凡中帶點真正跑得的跑味

    買波子太EYE CATCHING, 未必駕得舒服

    回覆刪除
    回覆
    1. TT 在英國通街都係,只能算是普通車,略嫌欠了些特別的感覺。

      地區上的差異吧。波子在英國算是低調的跑車,好多人經過都唔會望多一眼,唔怕被人望住晒。

      刪除
  12. 都係時侯買下車玩下其他玩意
    人生咁長, 唔通買完一層又一層咩

    賺一個一千萬又想第二個, 誠哥賺一個一千億, 又想第二個...
    係時侯都要享受下既

    回覆刪除
    回覆
    1. 哈哈,想不到 KC 兄同我的律師一樣。

      我只能說,時機未到,時機未到.........

      刪除

Related Posts Plugin for WordPress, Blogger...