2012年1月21日星期六

不要長實,要新地?

  繼上篇有關地產霸權的想法後決定買入新地(0016)。


  同是地產霸權,點解唔買我偶像李超人的長實呢?我的睇法係長實同新地都係很好的公司,但奈何長實的業務太多太雜,石油, 電訊 ,港口,零售......幾乎所有同生活有關的商業活動都可以找到長和系的影子。雖然我對長實的歷史很感興趣,那香港站上蓋置地同長實之爭,收購和黃,Orange的收放......都令我深深入迷,但以我的投資角來看,這種綜合型企業我是沒有太大興趣。




  一來,我不太喜歡長實的一些業務,如:電訊,石油,零售。電訊業務這類科技主導的行業今日唔知聽日時,每有新的科技電訊業都會受到影響,拿最近的whatsapp為例,whatsapp的出現就已經令到短訊的收發量係今年首次錄得倒退了。石油同零售這類受經濟週期影響較大的行業都唔係我的心水。況且要買石油不如買中石油,或者係英國買Shell也可以;買零售都有很多選擇,總之就唔洗買長實。二來,長實的世界佈局當中的英國公用部份同我的組合有所重疊,我就係唔想太過偏重英國公用股先想買香港地產股。現在我買長實的話我為何不繼續買英國公用股呢?


  相反,新地的其他業務同主業的關聯性較大,關聯性唔大的業務佔的比重也不大,甚至可以無視。最重要的係新地近年來租金收入佔的比重越來越大,已經差不多佔基本利潤的一半。憑住這些現金牛,相信就算未來有甚麼黑天鵝也好,對新地的影響會較少。最重要的當然係這些金牛可以保證新地係未來有足夠的派息能力。

2 則留言:

  1. 不過買新地要小心未來的爭產問題, 長實應該沒有這個問題。

    回覆刪除
    回覆
    1. 謝謝止凡兄的提醒,爭產問題方面新地的風險確實比長實高。

      刪除

Related Posts Plugin for WordPress, Blogger...