2018年7月13日星期五

樓8裝修出租

樓 8 二月買入,五月已經完成裝修及租出,租出的速度實在是始料不及。原先還打算是要裝修好,之後才會有人租。誰不知在裝修後期,剛開始放租不久就已經有學生承租,而且租金還是相當可觀,比起預期的要高得多。在租務市場供應多,租金大多向下調的時候,能夠有此成績真的要非常感欣。

按原先設想,將兩房單位的廳改做房,成個單位得廚房可做共用,租金應該只能做到 £900,而且不多學生會租。但據經紀的回覆,這個單位相當搶手,不少學生都想租。結果就以 £1200 租出。按買入價 £106,000,裝修連雜費 £10,000 左右,毛利率有成 12.4 %!每月還款也只是幾百鎊,又是一隻大大的現金牛。

不過我到現在諗唔明,明明現在出面的租金已經跌了不少。兩房租金由最高峰的 £900 跌到 £600 都有交易,再遠些少的甚至 £500 都有,為何班學生還要花這麼多錢租住我這個單位。雖然是近大學,但遠少少的那些單位都只是要多走十至二十分鐘,以單車計的話甚至只是幾分鐘。換轉是我,就一定唔租這個沒有廳的單位。只能說現在的學生又懶又有錢,真教人羨慕。



原來的走廊,裝修主要就是建一幅 L 型牆,將廳分開。


新的佈局,間間都是大房,每個房都過一百五十呎以上,其實都真係幾好住。




最正喜歡在走廊尾加了全幅鏡,令到間屋睇落更加大。其實有諗過係換埋對大門,在大門後都裝塊鏡,做到無限走廊的效果。經紀原先說可以沿用原來的地板,但我堅持一定要重新換過地板,做到一條走廊過,同埋拆走舊門框,拆得幾多得幾多。洗多少少錢唔緊要,最重要過得到自己的要求。







廚房原先諗住再加 mosaic splashback 不過被經紀勸阻。現在諗起真應該堅持,現在的色調略太單調。一兩樣的細節或者唔會令到租金上升,但很多細節加起來就是租唔租得出,同租唔租到好價的分別。經紀一直說做少少改動就可以,但如果真如他所說,我真的懷疑在現在的市況會唔會租得咁快,同埋租得咁好價。有機會一定會加番個 mosaic splashback !

13 則留言:

  1. 你好丫, 一直都有留意你既BLOG, 今年終於想去試下, 一上網揾揾到好多盤...但好多都係要AUCTION..想問下你會唔會有律師介紹...其實買到有TENATE IN SUI 果D會唔會穩陣D甘收租呢?

    thanks~

    回覆刪除
    回覆
    1. 你睇甚麼網站?? 不是所有都 auction。 律師要睇你買邊區。有 tenant 果啲好在即買即收租,同埋 confirm 係可以租出,但始終都會要再租出,差別其實唔大。

      刪除
  2. 有style點綴人都醒神啲。恭喜你又完成一個project^^

    回覆刪除
  3. 裝修簡約美觀, 回報更是相信不錯,正!

    回覆刪除
  4. 回覆
    1. 同真正專業還差好遠好遠呢。

      刪除
  5. Mosaic Splashback 馬賽克防濺扳,很好的裝飾㕑房材料,祝樓9用得上。草上飛

    回覆刪除
    回覆
    1. 確實,下間一定會用,哈哈。

      刪除
  6. 裝修得好靚,睇落光猛又唔殘又夠空間感,俾我係學生都想住~

    回覆刪除
    回覆
    1. 租客就是皇帝,要好好地討好,哈哈

      刪除
  7. 比特币的投资价值
    得到 全球的肯定

    用 CopyTrader™ 专利技术同优秀交易员讨论交易策略

    回覆刪除

Related Posts Plugin for WordPress, Blogger...